"Манчестер Юнайтед"дан истеъфога чиқарилган Рубен Аморим унга Яқин Шарқ ва Бразилия жамоалари томонидан катта қизиқиш билдирилаётганига қарамай, мавсум охиригача клубларнинг таклифларини кўриб чиқмасликка қарор қилди. Бу ҳақда журналист Руди Галетти Х ижтимоий тармоғида маълум қилди.

"МЮ"нинг собиқ мураббийи дам олиш, оиласи билан вақт ўтказиш ва кейинги мавсумдагина мураббийлик фаолиятига қайтиш ниятида. Эслатиб ўтамиз, 5 январь куни "Манчестер Юнайтед" Рубен Аморим жамоа бош мураббийлигидан истеъфога чиқарилганини расман эълон қилди.

ОАВ маълумотларига кўра, мутахассис меҳнат шартномасини муддатидан олдин бекор қилгани учун катта миқдорда жарима олади. Аморим "қизил иблислар" сафида 2024 йилнинг ноябридан буён ишлаб келаётганди, 2026 йилнинг январида эса жамоани тарк этди.