Британиялик мутахассис Гари О'Нил Франция чемпионатида иш бошлади. 42 ёшли мураббий "Страсбург" бош мураббийи лавозимини Лиам Росеньор кетганидан сўнг эгаллади. Бу ҳақда клуб матбуот хизмати хабар берди.

Англия Премьер-лигасида О'Нил "Борнмут" ва "Вулверхэмптон"даги фаолияти билан танилган.

Англиялик мутахассис 8 январь, пайшанба куни илк машғулотини ўтказади. Унинг қўл остидаги "Страсбург" дебют ўйинини 10 январь, шанба куни Франция кубогида ўтказади.

Лига 1 турнир жадвалида 24 очко тўплаган жамоа жадвалда еттинчи ўринни эгаллаб турибди.