«Манчестер Юнайтед» клуби сэр Алекс Фергюсон жамоани тарк этганидан кейин мураббийлар ва мураббийлар штаби аъзоларига компенсация сифатида тахминан 100 млн фунт стерлинг (115 млн евро) сарфлаган. 5 январь, душанба куни клуб бош мураббий Рубен Аморимни ишдан бўшатди. У шартномасининг қолган бир ярим йили учун 10 млн фунт (11,5 млн евро) миқдорида компенсация олади, дея хабар беради The Telegraph.
Фергюсон 2013 йилда жамоани тарк этганидан бери «МЮ» мураббийлар ва уларнинг штабларига жами 78 млн фунт (90 млн евро) компенсация тўлаган. Хусусан, истеъфога чиқарилган мураббийлар қуйидаги миқдорда компенсация пули олишган:
Дэвид Мойес — 4,9 млн фунт (5,6 млн евро)
Луи ван Гал — 8,4 млн фунт (9,6 млн евро)
Жозе Моуринью — 19,6 млн фунт (22,5 млн евро)
Уле-Гуннар Сульшер — 10 млн фунт (11,5 млн евро)
Ральф Рангник — 14,7 млн фунт (16,9 млн евро)
Эрик тен Хаг — 10 млн фунт (11,5 млн евро).
Бундан ташқари, клуб мураббийларни таклиф қилиш, директорларни ишга олиш ва ишдан бўшатиш билан боғлиқ жараёнларга ҳам тахминан 21 млн фунт (24 млн евро) сарфлаган. Энг катта компенсация 11 млн фунт (12,6 млн евро)ни ташкил этган бўлиб, у 2024 йилда Аморимни тайинлаш учун «Спортинг» клубига тўлаб берилган.













