"Альбасете" марказий ҳимоячиси Хесус Вальехо Мадриднинг "Реал" клубига қарши ўйин ҳақида фикр билдирди.
Учрашув 15 январь куни Испания кубогининг 1/8 финал босқичи доирасида бўлиб ўтади. Вальехо учун ўйин ўзгача бўлади: у ўн йил давомида "қаймоқранглилар"га тегишли бўлган.
"Охирги дақиқада гол урсам ҳам "Реал" дарвозасига гол урганимни нишонламаслигимни аниқ биламан. "Сарагоса" ёки "Гранада"га қарши ўйинда ҳам шундай бўларди - байрам қилмасдим. Бахтли бўлган собиқ жамоаларни ҳурмат қилиш керак", - дея 29 ёшли футболчининг сўзларини келтиради Madrid Universal.
Хесус Вальехо сермаҳсуллик билан машҳур эмас: у бутун профессионал фаолияти давомида учта гол урган.
