"Интер"нинг "Манчестер Сити"дан ижарага олинган марказий ҳимоячиси Мануэл Аканжи келажаги ҳақидаги саволга жавоб берди. "Нерадзуррилар" 30 ёшли швейцариялик футболчини жорий мавсум якунига қадар "шаҳарликлар"дан ижарага олди.
"Менинг келажагим? Билганимда эди! "Интер"да бахтиёрман, ҳаммаси аъло даражада кетяпти. Бу ёзга яқин кўринади, аммо мен келаси мавсумда шу ерда қолишга умид қиламан", - деди Аканжи "Парма" устидан қозонилган ғалабадан сўнг (2:0) Sky Sport’га берган интервьюсида.
Унинг трансфер нархи машҳур Transfermarkt портали экспертлари томонидан 22 млн еврога баҳоланмоқда.
