"Кристал Пэлас" бош мураббийи Оливер Гласнер АПЛ 21-туридан ўрин олган "Астон Вилла"га қарши ўйинни сарҳисоб қилди.
Лондон клуби устози ўз шогирдларининг жонбозлигини таъкидлаб, жамоа мураккаб кадрлар шароитида ҳаракат қилганини таъкидлади.
"Футболчиларнинг жонбозлиги ва лиганинг энг кучли жамоаларидан бирига қарши ўйин даражасига тан бераман. Уларнинг ҳар бири билан жуда фахрланаман. Иккинчи бўлимда ўйинга яхши кириб бордик ва яхши вазиятлар яратдик. Якунда ўйин ҳар қандай йўл билан тугаши мумкин эди, шунинг учун дуранг адолатли натижа", - деди Гласнер.
Учрашув 7 январь куни бўлиб ўтди ва 0:0 ҳисобидаги дуранг билан якунланди.
