"Борнмут" вингери Антуан Семеньо Англиянинг бошқа бир клуби "Манчестер Сити"га ўтиш арафасида турибди.
Sky Sports News журналистлари тарқатган хабарга кўра 26 ёшли ганалик футболчи Манчестерга учиб келган. Бугун, 8 январь куни африкалик тиббий кўрикдан ўтади, шундан сўнг "шаҳарликлар" билан узоқ муддатли меҳнат шартномасини имзолайди.
Аввалроқ матбуотда Семеньонинг трансфери "Манчестер Сити"га 75 миллион еврога тушиши ҳақида хабарлар тарқалган эди.
Англия Премьер-лигасининг жорий мавсумида Антуан 20 та ўйин ўтказди. Ганалик вингер ўз ҳисобига ўнта гол ва учта ассист ёздириб қўйди.













