"Лацио" ярим ҳимоячиси Маттео Гендузи тез орада Туркиянинг "Фенербахче" клуби футболчисига айланади. Бу ҳақда инсайдер Фабрицио Романо хабар бермоқда.
Италия чемпионатининг 18-туридан ўрин олган "Фиорентина" (2:2) билан ўйиндан сўнг Гендузи "Лацио" мухлислари билан хайрлашди. Тез орада хавбек "Фенербахче" сафига бориб қўшилади. Романонинг таъкидлашича, 29 миллион евролик битим тўлиқ ёпилган.
"Мен у бўлажак жамоани шакллантиришда асосий ўйинчиларимиздан бирига айланишини кутгандим", - деди "Лацио" бош мураббийи Мауритсио Сарри.
Гендузи 2023 йилнинг ёзидан бери "Лацио" шарафини ҳимоя қилмоқда. Жорий мавсумда 26 ёшли француз барча мусобақаларда 17та ўйинда майдонга тушиб, 2та гол урган ва 1та голга ҳаммуаллифлик қилган.
