Opta суперкомпьютери 1/4 финал олдидан жамоаларнинг Африка Миллатлар Кубогида ғалаба қозониш имкониятларини аниқлади. Бу ҳақда Opta Analyst Х ижтимоий тармоғида маълум қилди.

Африка Миллатлар Кубоги - 2025 ғолиблиги учун энг катта имкониятлар:

Марокаш - 23,3%;
Сенегал - 16,6%;
Жазоир - 13,9%;
Нигерия - 12%;
Миср - 11,8%.

Африка Миллатлар Кубоги 1/4 финал жадвали:

9 январь, 21:00. Мали - Сенегал;
10 январь, 00:00. Камерун - Марокаш;
10 январь, 21:00. Жазоир - Нигерия;
11 январь, 00:00. Миср - Кот-д'Ивуар.

2025 йилги Африка Миллатлар Кубоги Марокашда бўлиб ўтяпти. Мусобақада 24 та терма жамоа 6 та гуруҳга бўлинган ҳолда иштирок этди. Турнир 18 январга қадар давом этади. Африка Миллатлар Кубогининг амалдаги ғолиби 2023-йилги турнир финалида Нигерияни 2:1 ҳисобида мағлуб этган Кот-д'Ивуар терма жамоаси ҳисобланади.