Луис Энрике "ПСЖ" бошқарувида ўнинчи совринни қўлга киритди.
Парижликлар бугун Франция Суперкубоги учун кечган баҳсда "Марсел"ни мағлуб этди.
Испаниялик мутахассис 2023 йилда Франция клубини қабул қилиб олганди. Икки ярим йил ичида у уч марта мамлакат Суперкубоги, икки мартадан чемпионат ва кубок, бир марта Чемпионлар лигаси, УЕФА Суперкубоги, қитъалараро кубокда ғолиб чиқди. Шунингдек, "ПСЖ" клублар ўртасидаги жаҳон чемпионатида иккинчи ўринни эгаллади.
"Барселона"даги фаолияти билан қўшиб ҳисоблаганда, Энрикенинг мураббийлик фаолиятида 19 та соврин бор.













