Дортмунднинг "Боруссия" клуби вингери Карим Адейеми Англия Премьер-лигасининг топ-клубларида ишлаш имкониятига эга.
Caught Offside нашри журналистларига маълум бўлишича, германиялик ҳужумкор ярим ҳимоячининг хизматларига "Арсенал" ва "Манчестер Юнайтед" клублари қизиқиш билдирмоқда. Дортмундликлар Адейемини сотишдан 50 миллиондан 70 миллион еврогача даромад олишни режалаштирмоқда.
Германия Бундеслигасининг жорий мавсумида 23 ёшли ярим ҳимоячи 15 та учрашувда қатнашиб, 4 та гол ва 1 та голли узатмани ўз ҳисобига ёздириб қўйди. Унинг "асаларилар" билан меҳнат шартномаси 2027 йил июнь ойи охиригача мўлжалланган.
