"Ювентус" Федерико Кьеза трансфери устида ишлашда давом этмоқда.

Аввалроқ, туринликлар "Ливерпуль" вингерини ижарага олмоқчи экани, аммо "қизиллар" тўлақонли трансферни маъқул кўраётгани ҳақида хабарлар тарқалган эди.

Sky Sport хабарига кўра, итальян клуби мерсисайдликларга янги таклиф билан чиқиш имкониятини ўрганмоқда. У муайян шартлар асосида мажбурий бўладиган сотиб олиш ҳуқуқи билан ижарага беришдан иборат бўлиши мумкин. Шунда ҳар икки томон ҳам кафолат олади.

Бироқ, инглизлар ўз шартларини ўзгартирмаслиги ва италияликни жамоада олиб қолиши мумкинлиги тахмин қилинмоқда.

Кьеза жорий мавсумда АПЛда 15 та ўйинда майдонга тушиб, 2 та гол урди ва 1 та голли узатмани амалга оширди.