"Yuventus" Federiko Kyeza transferi ustida ishlashda davom etmoqda.

Avvalroq, turinliklar "Liverpul" vingerini ijaraga olmoqchi ekani, ammo "qizillar" to‘laqonli transferni ma’qul ko‘rayotgani haqida xabarlar tarqalgan edi.

Sky Sport xabariga ko‘ra, italyan klubi mersisaydliklarga yangi taklif bilan chiqish imkoniyatini o‘rganmoqda. U muayyan shartlar asosida majburiy bo‘ladigan sotib olish huquqi bilan ijaraga berishdan iborat bo‘lishi mumkin. Shunda har ikki tomon ham kafolat oladi.

Biroq, inglizlar o‘z shartlarini o‘zgartirmasligi va italiyalikni jamoada olib qolishi mumkinligi taxmin qilinmoqda.

Kyeza joriy mavsumda APLda 15 ta o‘yinda maydonga tushib, 2 ta gol urdi va 1 ta golli uzatmani amalga oshirdi.