"Вердер" клуби ўзининг расмий сайти орқали Бундеслиганинг "Хоффенхайм"га қарши ўйини қолдирилганини эълон қилди. Учрашув шанба куни бўлиб ўтиши керак эди, аммо клублар, стадион бошқарувчиси ва расмийлар билан қизғин маслаҳатлашувлардан сўнг Германия футбол лигаси қарори билан бекор қилинди.

Қайд этилишича, стадионнинг турли ҳудудларида кучли музлаш содир бўлган.

Об-ҳаво маълумотлари ўйин шароитлари яхшиланишини кафолатламайди, шунинг учун хавфсизлик нуқтаи назаридан баҳс кўчирилди. Учрашувнинг янги санаси ҳақида "Вердер" кейинроқ маълумот беради.