"Verder" klubi o‘zining rasmiy sayti orqali Bundesliganing "Xoffenxaym"ga qarshi o‘yini qoldirilganini e’lon qildi. Uchrashuv shanba kuni bo‘lib o‘tishi kerak edi, ammo klublar, stadion boshqaruvchisi va rasmiylar bilan qizg‘in maslahatlashuvlardan so‘ng Germaniya futbol ligasi qarori bilan bekor qilindi.

Qayd etilishicha, stadionning turli hududlarida kuchli muzlash sodir bo‘lgan.

Ob-havo ma’lumotlari o‘yin sharoitlari yaxshilanishini kafolatlamaydi, shuning uchun xavfsizlik nuqtai nazaridan bahs ko‘chirildi. Uchrashuvning yangi sanasi haqida "Verder" keyinroq ma’lumot beradi.