"Реал Мадрид" 16 ёшли "Герта Берлин" вундеркинди Кеннет Айхгорнни сотиб олишни режалаштирмоқда.
Ёш ярим ҳимоячи "Герта"нинг асосий жамоасида аллақачон 13 та ўйинда майдонга тушган ва унинг трансфер қиймати Transfermarkt томонидан 20 миллион еврога баҳоланмоқда - бу 16 ёшгача бўлган футболчилар учун дунёдаги энг юқори кўрсаткич.
Sky Sports хабарига кўра, "Реал" немис юлдузини сотиб олишни жиддий кўриб чиқмоқда. Ярим ҳимоячининг шартномасида 10-12 миллион евро миқдоридаги товон пули мавжуд.













