"Атлетико" ярим ҳимоячиси Конор Галлахер Англия Премьер-лигасига қайтиши мумкин. Таниқли журналист Бен Жейкобснинг ижтимоий тармоқларда маълум қилишича, 25 ёшли Галлахерга "Астон Вилла" қизиқиш билдирмоқда.
Қайд этилишича, "Вилла" бош мураббийи Унаи Эмери Галлахернинг азалий мухлиси ҳисобланади. Бирмингемликлар хавбекни сотиб олиш шарти билан ижарага олиши мумкин.
Шу билан бирга, журналистнинг таъкидлашича, "Атлетико" Конор Галлахерни ўз сафида олиб қолишга бел боғлаган.
Аввалроқ матбуот аллақачон Галлахерни АПЛ клублари, жумладан, "Манчестер Юнайтед" ва "Тоттенхэм" билан боғлаганди. Transfermarkt портали футболчини 35 миллион еврога баҳоламоқда.
