"Ливерпуль" вингери Федерико Кьеза жорий ойда А Серияга қайтиш ниятида. 28 ёшли футболчи "Ювентус"га ўтишни талаб қилмоқда, дея хабар бермоқда La Gazzetta dello Sport. Туринликлар Кьезанинг қайтишидан манфаатдор, италияликнинг ўзи ҳам яна "кекса сеньора" учун ўйнаш ниятида.
Футболчининг фикрича, унинг "Ювентус"да "тугалланмаган ишлари" қолган. Эслатиб ўтамиз, у жамоанинг ўша пайтдаги мураббийи Тьяго Моттага керак бўлмагани учун клубни тарк этганди. "Бьянконерилар"нинг ҳозирги бош мураббийи Лучано Спаллетти таркибни Европа чемпиони билан кучайтирмоқчи.
"Ливерпуль" Федерико Кьезани 12-15 млн еврога сотишга тайёр, "Ювентус" эса сотиб олиш имконияти билан ижара бўйича келишишга умид қилмоқда.
