"Тоттенхэм" Англия кубогининг 3-босқичидаёқ турнирни тарк этди. Ўз майдонида "шпорлар" "Астон Вилла"га 1:2 ҳисобида ютқазди. Ўйиндан сўнг лондонликлар устози Томас Франк шарҳ берди.
"Иккинчи таймимиз биз хоҳлагандек бўлди: энергия, шиддат, темп, ҳужумкор ўйин. Мухлислар бизни олдинга ундашди. Биз битта гол урдик ва иккинчи гол учун имкониятимиз бор эди. Афсуски, бунинг иложи бўлмади. Агар иккита шундай таймни ўтказганимизда, ғалаба қозонган бўлардик.
"Сандерленд"га қарши ўйинда эса бунинг акси бўлди: биринчи бўлимни ажойиб ўтказдик, аммо иккинчи бўлимда ўз даражамизни сақлаб қола олмадик. Агар икки бўлимни жамлай олсак, анча яхши кўринишимиз мумкин," - дея Франкнинг сўзларини келтиради BBC.
"Тоттенхэм" навбатдаги ўйинини 17 январь куни "Вест Хэм"га қарши ўтказади.
