"Бавария" ҳужумчиси Харри Кейн январь ойидаёқ Бундеслигада 20 та гол уриш кўрсаткичига эришди.
32 ёшли англиялик ўзининг 20-голини якшанба куни "Вольфсбург"га қарши кечган ва мюнхенликларнинг йирик ғалабаси билан якунланган баҳсда киритди (8:1). Кейн жорий мавсумда Европанинг бешта етакчи чемпионатида Эрлинг Холанддан кейин 20 та гол урган иккинчи футболчига айланди. "Манчестер Сити" ҳужумчисига бунинг учун АПЛда 21та ўйин, Кейнга эса Германия чемпионатида 16та ўйин кифоя қилди.
"Бавария" 44 очко билан 16 турдан сўнг Бундеслигада пешқадамлик қилмоқда ва Дортмунднинг "Боруссия" клубини 11 очкога ортда қолдирмоқда.
