"Интер" марказий ҳимоячиси Алессандро Бастони "Наполи" ҳужумчиси Расмус Хёйлундга қарши ўйин ҳақида фикр билдирди.
Якшанба куни бўлиб ўтган жамоалар учрашуви 2:2 ҳисобида дуранг билан якунланди. Даниялик футболчи самарали ҳаракатлари билан ажралиб турмади, аммо "нерадзуррилар" ҳимоя етакчисининг мақтовига сазовор бўлди.
"Хёйлундга қарши ўйнаш қийин бўлди, у жуда кучли футболчи! У "Аталанта"да бунчалик яхши ўйнаганини эслай олмайман, лекин ҳозир ҳайрон эмасман. Сифатли ўйинчилар кўп бўлган ажойиб жамоа билан учрашишимизни билардик," - дея Бастонининг сўзларини келтиради "Интер" матбуот хизмати.
