"Inter" markaziy himoyachisi Alessandro Bastoni "Napoli" hujumchisi Rasmus Xyoylundga qarshi o‘yin haqida fikr bildirdi.

Yakshanba kuni bo‘lib o‘tgan jamoalar uchrashuvi 2:2 hisobida durang bilan yakunlandi. Daniyalik futbolchi samarali harakatlari bilan ajralib turmadi, ammo "neradzurrilar" himoya yetakchisining maqtoviga sazovor bo‘ldi.

"Xyoylundga qarshi o‘ynash qiyin bo‘ldi, u juda kuchli futbolchi! U "Atalanta"da bunchalik yaxshi o‘ynaganini eslay olmayman, lekin hozir hayron emasman. Sifatli o‘yinchilar ko‘p bo‘lgan ajoyib jamoa bilan uchrashishimizni bilardik," - deya Bastonining so‘zlarini keltiradi "Inter" matbuot xizmati.