ЦСКА Лусиано Гондуни ўз сафига қўшиб олгач, ҳужум чизиғини кучайтиришда давом этиши мумкин. Агар испан манбаларига ишонадиган бўлсак, "ҳарбийлар" "Леванте"дан марказий ҳужумчи Этта Эйонгга қизиқмоқда.
Marca нашрининг Deportes COPE Valencia’га таяниб хабар беришича, ЦСКА аввалроқ Эйонг учун 20 миллион евро таклиф қилган бўлса, энди таклифни 30 миллионгача яхшилади. Бундай суммадаги трансфер "Леванте"нинг молиявий қийинчиликларини енгиллаштириши мумкин эди.
Шу билан бирга, таъкидланишича, 22 ёшли Этта Эйонгнинг ўзи Испания чемпионатидан Россия чемпионатига кетишига ишончи комил эмас.
Жорий мавсум Ла Лиганинг 16 ўйинида Эйонг олтита гол ва учта голли узатма ёздириб қўйди.
