Франциялик ҳужумчи Матис Тель "Тоттенхэм"ни тарк этмоқчи. Бу ҳақда Фабрицио Романо хабар бермоқда.
Футболчи Лондон клубидан бошқа жамоага ижарага беришни сўраган. Франциялик футболчи ЖЧ-2026 олдидан тез-тез майдонга тушишни истайди. Телнинг хизматларига "Париж" қизиқиш билдирмоқда. Аммо "шпорлар" футболчини қўйиб юбормоқчи эмас.
Жорий мавсумда Матис Тель "Тоттенхэм" сафида 19 та ўйинда майдонга тушди. Уларда ўйинчи учта тўп киритди.













