Мадриднинг "Реал" клуби собиқ футболчиси Хорхе Вальдано Хаби Алонсо истеъфога чиқарилгач, "қаймоқранглилар" бошқарувига Альваро Арбелоа тайинлангани ҳақида фикр билдирди.
"Арбелоа клубдаги ҳамма нарсани яхши билади. У кўп йиллардан буён "Реал" тизимида ишлаб келмоқда. Альваро ҳозир жамоа кийиниш хонасида нима бўлаётганини жуда яхши билади. Кутиш ва воқеалар ривожи қандай давом этишини кузатиш керак," - дея экспертнинг сўзларини келтиради Marca газетаси.
Алонсо ўтган йилнинг ёзидан буён "қироллик клуби" устози сифатида ишлаб келаётганди. Испаниялик мутахассис қўл остидаги сўнгги баҳсда "Реал" Каталониянинг "Барселона" жамоасига 2:3 ҳисобида имкониятни бой бериб қўйган эди.
