"Ювентус" 2025-26 йилги мавсум охирида шартномаси тугайдиган "Сельта" ўнг қанот ҳимоячиси Оскар Мингеса трансферига қизиқиш билдирмоқда. Бу ҳақда Yahoo Sports хабар берди.
Айни пайтда "бьянконерилар" яна бир ҳимоячини ўз сафига қўшиб олмоқчи ва бир неча позицияда ўйнай оладиган футболчиларга устунлик берилмоқда.
"Барселона" ёшлар жамоасининг собиқ футболчиси Мингеса 30 июнь куни эркин агентга айланиши мумкин. "Сельта" у билан янги битим тузишга ҳаракат қилмоқда, аммо ҳозирча келишувга эришилмаган. "Ювентус" январда Мингеса бўйича келишувга эришиш имкониятига эга бўлишига умид қилмоқда. Аммо "Сельта" бунга деярли рози бўлмайди, чунки бу ҳолатда жамоа сумманинг ярмини "Барселона"га беришига тўғри келади.
26 ёшли испанияликнинг Transfermarkt порталидаги нархи 14 миллион еврога баҳоланмоқда. Мавсумнинг 21 ўйинида Мингеса 2 та сариқ карточка олди, 1 та гол урди ва 3 та голли узатмани амалга оширди.
