"Реал" собиқ бош мураббийи Хаби Алонсонинг Мадрид клуби раҳбарияти ва футболчилари билан муносабатлари билан боғлиқ вазиятнинг айрим тафсилотлари маълум бўлди.

Журналист Марио Кортегананинг ёзишича, Чемпионлар лигаси умумий босқичидан ўрин олган "Манчестер Сити"га (1:2) қарши 10 декабрь куни бўлиб ўтган ўйин олдидан "қаймоқранглилар" раҳбарияти, жумладан, Флорентино Перес ва Хосе Анхел Санчес Хаби Алонсонинг келажаги ва жамоадаги умумий вазиятни муҳокама қилган. "Шаҳарликлар"дан учралган мағлубиятдан сўнг Тибо Куртуа, Жуд Беллингем ва Родриго бош мураббийни қўллаб-қувватлашини билдирди. Бироқ, уларнинг фикрлари клубнинг муваффақиятсиз натижалари туфайли етарли бўлмади.

Эслатиб ўтамиз, Хаби Алонсо "Реал"ни 2025 йилнинг ёзидан буён бошқариб келаётган эди. Кеча "қаймоқранглилар" Испания Суперкубоги финалида "Барселона"га 2:3 ҳисобида имкониятни бой бериб қўйди.