Хаби Алонсо ишсиз қолди - душанба куни "Реал" мураббий билан хайрлашганини эълон қилди. Испания Суперкубоги финалида "қаймоқранглилар" "Барселона"га 2:3 ҳисобида мағлуб бўлгач, шундай қарорга келинган.
Эндиликда британиялик мутахассислар Арне Слот истеъфога чиқиши шарти билан Алонсони "Ливерпуль" бош мураббийи лавозимига асосий фаворит деб ҳисобламоқда. Sky бу фактга ишора қилмоқда.
"Ливерпуль" айни дамда Англия Премьер-лигаси турнир жадвалида тўртинчи ўринда бормоқда. Мерсисайдликлар умуман олганда яхши мавсум ўтказишмаяпти. "Қизиллар" навбатдаги ўйинни 17 январь куни "Бёрнли"га қарши ўтказади.
