"Арсенал"нинг собиқ футболчиси Роберт Пирес жамоа футболчисини мақтади. Французнинг фикрича, яримҳимоячи Деклан Райсни "канонирлар"нинг энг яхши йиллардаги етакчилари билан бир қаторга қўйиш мумкин.
"Агар мавсум охирида совринни кўтармоқчи бўлсанг, сенга Деклан Райс каби футболчи керак. Сенга Патрик Виейра, Тьерри Анри, Тони Адамс... ва Деклан Райс керак", - дея Пиреснинг сўзларини келтиради Goal портали Sky’га таяниб.
"Арсенал" Англия премьер-лигасида пешқадамлик қилмоқда. Лондонликлар 2004 йилдан бери биринчи марта мамлакат чемпиони бўлишни кутмоқда. Ўшанда жамоа АПЛ мавсумини бирорта ҳам мағлубиятсиз ўтказишга муваффақ бўлганди.
