Англиялик Майкл Кэррик "Манчестер Юнайтед" бош мураббийи этиб тайинланганидан кейин "Манчестер Юнайтед"нинг илк янги аъзоси номи маълум бўлди. The Guardian нашри тарқатган хабарга кўра жамоага "Ал-Ҳилол" ва Португалия терма жамоаси ярим ҳимоячиси Рубен Невеш келиб қўшилиши мумкин.
Манбага кўра, мавсум охиригача бош мураббий масаласи ҳал этилгач, "қизил иблислар" яримҳимоя чизиғини мустаҳкамламоқчи, Невеш эса клубнинг мақсади. Хабар қилинишича, уни сотиб олиш тахминан 23 млн еврога тушади.
Нашр маълумотига кўра, "Манчестер Юнайтед" Невешни сотиб олиш ва бошқа трансфер мақсадлари учун маблағга эга. Клублар барча шартларни келиша олса, пул ажратилади.
