Мадриднинг "Атлетико" клуби ҳужумчиси Антуан Гризманн жамоанинг жорий мавсумдаги мақсадлари ҳақида гапирди.
Сешанба куни "матрасчилар" "Депортиво"ни мағлуб этиб (1:0), Испания Кубогининг чорак финалига йўл олди. Ягона гол 61-дақиқада Гризманн томонидан урилди, у финал ҳуштагидан сўнг журналистлар билан суҳбатлашди.
"Биз Қирол кубоги финалига чиқмоқчимиз. Ла Лига, Чемпионлар Лигаси ва Испания Кубогида ғолиб чиқиш учун қўлимиздан келган барча ишни қиламиз. Айнан шунинг учун биз бу ердамиз," - дея французнинг интервьюсидан иқтибос келтиради испан ОАВ.
