"Манчестер Сити"нинг франциялик ярим ҳимоячиси Райан Шерки жорий мавсумда самарали ўйин намойиш этмоқда.

Opta маълумотларига кўра, Шерки пенальтини ҳисобга олмаганда гол ёки голли узатмага сарфланадиган вақт бўйича Европада энг яхши кўрсаткичга эга.

Европанинг бешта етакчи чемпионатида барча мусобақаларда 900 дақиқадан кўпроқ ўйнаган барча футболчилар орасида айнан Шерки энг таъсирли натижага эга: у ўртача ҳар 74 дақиқада битта голда иштирок этади.

Айни пайтда Райан "Ман Сити" сафида 1332 дақиқа майдонда ҳаракат қилиб, 18 та самарали ҳаракатни амалга оширди: 7 та гол ва 11 та голли узатма.