Германия терма жамоаси бош мураббийи Юлиан Нагельсманн "Манчестер Юнайтед"да ишлашга қизиқмоқда.

Журналист Пит О'Руркнинг маълум қилишича, германиялик мутахассис клублар билан ишлашга қайтишга қарор қилса, "қизил иблислар" таклифини кўриб чиқиши мумкин. Аммо ҳозир Нагельсманн бутун эътиборини 2026 йилги жаҳон чемпионатига тайёрлаётган Германия терма жамоасини бошқаришга қаратган. Шу билан бирга, мураббий келажакда "Манчестер Юнайтед" мураббийи лавозимини жозибадор деб ҳисобламоқда.

Юлиан Нагельсманн 2023 йилда Германия терма жамоасини қабул қилиб олди. 2025 йилнинг январида у терма жамоа билан шартномасини 2028 йилнинг ёзига қадар узайтирганди.