"Шахтёр" клуби ва Украина терма жамоаси ҳимоячиси Ефим Конопля Европа клублари қизиқишлари доирасига тушиб қолди.
Журналист Флориан Плеттенбергнинг маълум қилишича, 26 ёшли футболчини "Вердер", "Эвертон" ва "Аякс" клублари ўз сафига қўшиб олмоқчи. Шунингдек, Бундеслиганинг яна бир қатор жамоалари футболчининг трансферини расмийлаштирмоқчи. "Вердер" вакиллари аллақачон украиналикнинг агентлари билан музокара ўтказган. Бу йил ёзда Конопляни текинга қўлга киритиш мумкин бўлади, чунки у эркин агентга айланади - ҳимоячининг шартномаси 30 июнда тугайди.
Ефим Конопля "Шахтёр" тарбияланувчиси ҳисобланади. У жорий мавсум 19 та ўйинда майдонга тушди ва 2 та гол ҳамда 4 та голли узатмага муаллифлик қилди.
