Англиянинг "Ливерпуль" клуби "Боруссия" Дортмунднинг 28 ёшли норвегиялик ҳимоячиси Юлиан Рюэрсон билан шартнома имзолаш ҳақида ўйламоқда. Бу ҳақда Absolut Fussball нашри ёзмоқда.
Манбаларга кўра, трансфер январь ойидаёқ амалга ошиши мумкин, чунки мерсисайдликларга жароҳат олган Конор Брэдли ўрнига ўйинчи керак. Рюэрсон асосан ўнг қанот ҳимоясида ўйнайди, лекин чап ва марказий ҳимояда ҳам ҳаракат қилиши мумкин.
Норвегиялик футболчи "Унион"дан Дортмунднинг "Боруссия" клубига 2023 йилда ўтган. У жорий мавсум Бундеслигада 16 та ўйинда майдонга тушди ва 5 та голли узатмани амалга оширди.













