"Ливерпуль" ОАВдаги миш-мишларга қарамай, қишки трансферлар вақтида ҳимоячи Жо Гомесни сотмайди.
Football Insider хабарига кўра, "қизиллар" футболчининг клубдан эҳтимолий трансферини блоклайди. Аввалроқ Англиянинг амалдаги чемпионлари январь ойида футболчини сотишга тайёр эди, бироқ Конор Брэдлининг жиддий жароҳати туфайли мавсум охиригача сафдан чиққани вазиятни ўзгартирди. "Ливерпуль" бош мураббийи Арен Слот мавсумнинг иккинчи қисмида Гомесга таянади.
Жо Гомес 2015 йилда "Чарльтон"дан 5 миллион евро эвазига "Ливерпуль"га ўтган эди. Унинг шартномаси 2027 йилнинг 30 июнига қадар имзоланган. Жорий мавсумда ҳимоячи "қизиллар" сафида барча мусобақаларда 15 та ўйинда майдонга тушиб, 2 та голли узатмани амалга оширди.
