Мадриднинг "Реал" клуби собиқ футболчиси ва мураббийи Альваро Бенито жамоанинг ҳозирги ҳолати ҳақида гапирди.
Ҳафта бошида "қаймоқранглилар" бошқарувида Хаби Алонсо ўрнини Альваро Арбелоа эгаллади, шундан сўнг Испания кубогида "Альбасете"дан сенсацион мағлубият қайд этилди (2:3).
"Бу "Реал"нинг узоқ йиллар давомидаги энг ёмон жамоаси. Мураббийлар [муваффақиятсизликлар учун] бутун масъулиятни ўз зиммаларига олишлари, футболчиларни саъй-ҳаракатлари учун мақташлари мени хавотирга солмоқда. Агар бу футболчилар қодир бўлган максимум бўлса, унда улар шунчаки клуб учун етарлича яхши эмас," - дея Альваро Бенитонинг сўзларини келтиради Madrid Xtra.
"Реал" Ла Лига 19-туридан кейин турнир жадвалида 2-ўринда бормоқда ва "Барселона"дан 4 очко ортда қолмоқда.
