"Ливерпуль" вингери Федерико Кьезанинг "Ювентус"га трансфери барбод бўлиши мумкин. Ойнинг бошида италиялик футболчининг Турин клубига қайтишга тайёрлиги ҳақида хабарлар тарқалган эди. Журналист Маттео Мореттонинг ёзишича, "Ливерпуль" 28 ёшли футболчини ижарага қўйиб юбормоқчи эмас - фақат тўлақонли трансфер. Шу билан бирга, "қизиллар" футболчи учун 15 миллион евро сўрамоқда - "кекса синьора" раҳбариятини бундай нарх қониқтирмайди.
Кьезанинг маоши ҳам "Ювентус" учун жуда катта, шу боис А Серия гранди Европа чемпионини ўз сафига қайтариш бўйича ишни тўхтатди. Музокаралар қишки трансферлар ойнаси ёпилгунга қадар давом эттириладими ёки йўқми, ҳозирча номаълум.
