"Liverpul" vingeri Federiko Kyezaning "Yuventus"ga transferi barbod bo‘lishi mumkin. Oyning boshida italiyalik futbolchining Turin klubiga qaytishga tayyorligi haqida xabarlar tarqalgan edi. Jurnalist Matteo Morettoning yozishicha, "Liverpul" 28 yoshli futbolchini ijaraga qo‘yib yubormoqchi emas - faqat to‘laqonli transfer. Shu bilan birga, "qizillar" futbolchi uchun 15 million yevro so‘ramoqda - "keksa sinyora" rahbariyatini bunday narx qoniqtirmaydi.

Kyezaning maoshi ham "Yuventus" uchun juda katta, shu bois A Seriya grandi Yevropa chempionini o‘z safiga qaytarish bo‘yicha ishni to‘xtatdi. Muzokaralar qishki transferlar oynasi yopilgunga qadar davom ettiriladimi yoki yo‘qmi, hozircha noma’lum.