Марк-Андре тер Штеген тез орада "Барселона"ни "Жирона"га алмаштиради. Германиялик тажрибали посбон 2025/2026 йилги мавсум якунига қадар ижарага ўтади.
Cadena SER нашрининг хабар беришича, бу трансфер учун 33 ёшли тер Штеген маошининг катта қисмидан воз кечишига тўғри келган. "Жирона" Тер Штегенга нари борса 1 миллион евро тўлай олади холос. Бу ҳозирги босқичда клуб ўз зиммасига олиши мумкин бўлган максимум.
Айтиш керакки, "Барселона"нинг асосий посбони ҳозирда Жоан Гарсия бўлиб турибди, шунинг учун Марк-Андре тер Штеген мавсумнинг биринчи қисмида деярли ўйин амалиётига эга бўлмади.













