"Тоттенхэм" бош мураббийи Томас Франк вазиятни ўнглаш имкониятига эга бўлади. Даниялик мутахассис ўтган йилнинг ёзида "шпорлар"ни қабул қилиб олганди, аммо унинг қўл остидаги натижалар яхши эмас: Премьер-лиганинг 21-туридан сўнг жамоа турнир жадвалида 14-ўринни эгаллаб турибди. Журналист Том Оллонанинг маълум қилишича, "Тоттенхэм" мураббийлар алмашинувидан чарчаган, шу боис Франк масаласида "оқилона йўл тутиш" ва "хотиржамликни сақлаш" ниятида.

Томас Франк даврида жамоанинг аҳволи ҳар ҳафта баҳоланади, аммо раҳбарият мураббий қўллаб-қувватланишни ҳис қилиши учун ҳамма нарсани қилади. 52 ёшли мутахассисга ўзини кўрсатиш учун вақт берилади.