"Манчестер Сити" бош мураббийи Хосеп Гвардиола ўзбекистонлик марказий ҳимоячи Абдуқодир Ҳусановнинг ўйини ҳақида қандай фикрда эканини айтди.
21 ёшли футболчимиз жамоадошлари ва мураббийи томонидан мунтазам равишда мақтовларга сазовор бўлмоқда. "Манчестер Юнайтед" билан дерби олдидан испаниялик машҳур мураббий яна бир бор Абдуқодир ҳақида илиқ фикрлар билдирди.
"Ҳусанов "Арсенал"га қарши ўйинда жароҳат олгунга қадар мавсум бошида доимий ўйнади. Шундан сўнг у кўплаб ўйинларни ўтказиб юборди, чунки Рубен Диаш жуда яхши ҳолатда эди. Абдуқодир ҳар сафар майдонга тушганида ўзини зўр кўрсатмоқда," - деди Гвардиола матбуот анжуманида.
