"Тоттенхэм" ҳимоячиси Микки ван де Вен фаолиятини "Ливерпуль"да давом эттириши мумкин. Бу ҳақда Topskills Sports UK хабар бермоқда.

Манбага кўра, мерсисайдликлар 24 ёшли футболчида Виржил ван Дейкнинг узоқ муддатли ўринбосарини кўришмоқда. Қайд этилишича, ван де Вен учун шахсий шартнома шартлари ҳеч қачон муаммо бўлмаган, шу боис "Ливерпуль" у билан бемалол келиша олади. Таъкидланишича, ҳимоячининг ўзи "Ливерпуль"га ўтишни истамоқда, аммо трансфер қишда амалга ошиш эҳтимоли паст.

Жорий мавсумда ван де Вен барча мусобақаларда 28 та ўйинда майдонга тушиб, 6 та гол урди ва 1 та голли узатмани амалга оширди.

Transfermarkt портали маълумотларига кўра, нидерландияликнинг нархи 65 миллион еврони ташкил этади.