"Рома" ҳужумчиси Пауло Дибала тез орада жамоасини ўзгартириши мумкин. 32 ёшли футболчи ватанига қайтишга тобора яқин - унга "Бока Хуниорс" даъвогарлик қилмоқда.
Ҳужумчи "кўк-олтинлар" сафига ўтишга қизиқиш билдирмоқда - у фаолиятини давом эттиришнинг айнан шу вариантини устувор деб ҳисобламоқда, деб ёзади журналист Экрем Конур. "Рома" жаҳон чемпиони трансфери учун тахминан 2-3 млн евро сўрамоқда. "Бока"дагилар келишувни амалга ошира олишларига ишонишмоқда.
Пауло Дибаланинг шартномаси мавсум якунлангач ўз ниҳоясига етади. Футболчи Рим жамоаси сафида жорий мавсумда 19 та ўйинда иккита гол урди ва шунча голли узатмани амалга оширди.
