"Roma" hujumchisi Paulo Dibala tez orada jamoasini o‘zgartirishi mumkin. 32 yoshli futbolchi vataniga qaytishga tobora yaqin - unga "Boka Xuniors" da’vogarlik qilmoqda.

Hujumchi "ko‘k-oltinlar" safiga o‘tishga qiziqish bildirmoqda - u faoliyatini davom ettirishning aynan shu variantini ustuvor deb hisoblamoqda, deb yozadi jurnalist Ekrem Konur. "Roma" jahon chempioni transferi uchun taxminan 2-3 mln yevro so‘ramoqda. "Boka"dagilar kelishuvni amalga oshira olishlariga ishonishmoqda.

Paulo Dibalaning shartnomasi mavsum yakunlangach o‘z nihoyasiga yetadi. Futbolchi Rim jamoasi safida joriy mavsumda 19 ta o‘yinda ikkita gol urdi va shuncha golli uzatmani amalga oshirdi.