Мадриднинг "Реал" клуби янги бош мураббийи Альваро Арбелоа Килиан Мбаппенинг "Леванте"га (2:0) қарши ўйиндаги иштироки ҳақида гапирди.
Франциялик ҳужумчи жорий йилда илк бор "қаймоқранглилар" сафида асосий таркибда майдонга тушди. Айнан у учрашувнинг 58-дақиқасида пенальтини аниқ амалга ошириб, ҳисобни очди. 65-дақиқада Рауль Асенсио якуний натижани ўрнатди.
"Мбаппедан саъй-ҳаракатлари учун миннатдорман. Килиан бизнинг етакчимиз. У тиззасидаги оғриққа қарамай ўйнаш учун катта куч сарфлади, ўзини кўрсатиш ва жамоага ёрдам бериш истаги билан ёнди. Ажойиб йигит, туғма етакчи," - деди Арбелоа матбуот анжуманида.
