Лондоннинг "Арсенал" клуби бош мураббийи Микель Артета шанба куни бўлиб ўтган Премьер-лига доирасидаги "Ноттингем Форест"га (0:0) қарши ўйинда Букайо Саканинг нима учун асосий таркибга киритилмагани ҳақида гапирди.
Юлдуз вингер 57-дақиқада захирадан майдонга тушиб, Нони Мадуэке ўрнини эгаллади.
"Сака кўп ўйнайди ва ўйин олдидан у кичик жароҳат олди. Футболчиларнинг ҳолатини назорат қилишимиз, уларнинг майдондаги вақтини тўғри тақсимлашимиз керак," - деди Артета ўйиндан кейинги интервьюсида.
Сешанба куни "Арсенал" Чемпионлар лигаси сафар ўйинини Миланнинг "Интер" клубига қарши ўтказади.
