Мадриднинг "Реал" клуби ўз мухлисларининг футболчиларга ва клубга бўлган муносабатидан жуда норози.
Ла Лиганинг шанба кунги "Леванте"га (2:0) қарши ўйинида "Сантьяго Бернабеу" мухлислари ўз жамоасини қаттиқ ҳуштакбозлик билан қарши олишди, шунингдек, Флорентино Переснинг истеъфосига чақириқлар янгради. COPE хабарига кўра, "Реал" футболчилари мухлисларнинг хатти-ҳаракатларидан жуда "ҳафсаласи пир бўлган" ва "шокка тушган." Раҳбарият ҳам бўлаётган воқеалардан хавотирда. Клубдагилар ўйин охиригача ҳуштак чалинишини кутишмаганди. Қайд этилишича, футболчилар ўзларини ноқулай ҳис қилишган - худди меҳмонда ўйнаётгандек.
"Реал"нинг мухлисларга мурожаати шундай: "Агар ҳаммаси яхши бўлгандагина бизни қўллаб-қувватласангиз, демак, ҳеч қачон биз билан бирга бўлмагансиз."
