Мадриднинг "Реал" клуби ярим ҳимоячиси Дани Себальос жамоанинг "Леванте"га (2:0) қарши ўйиндаги ҳаракатлари ҳақида фикр билдирди.
"Қаймоқранглилар" янги мураббий Альваро Арбелоа қўл остида илк бор ғалаба қозонишди. Голларга 58 ва 65-дақиқаларда Килиан Мбаппе ҳамда Рауль Асенсио муаллифлик қилди.
"Қуйи блокда яхши ҳимояланадиган жамоага қарши осон ўйин бўлмаслигини билардик. Аввалига унчалик яхши ҳаракат қилмадик, лекин ўйин давомида аста-секин яхшиланиб бордик. Якунда уч очкони қўлга киритишга муваффақ бўлдик," - деди Себальос ўйиндан кейин журналистлар билан суҳбатда.
