Бразилия терма жамоаси устози, бунгача Мадриднинг "Реал" клубини бошқарган Карло Анчелотти Испанияда бўлиб турибди. Италиялик мутахассис Ла Лиганинг 20-туридан ўрин олган "Реал" - "Леванте" учрашувига ташриф буюрди. Бу ҳақда Mundo Deportivo журналистлари хабар берди.
Анчелотти учрашув жараёнини "Сантьяго Бернабеу" VIP ложасида кузатиб борди. Мутахассис ҳужумчи Винисиус Жуниорни кузатди.
Баҳсда "Қироллик клуби" 2:0 ҳисобида ғалаба қозонди. Ўтказилган 20 та ўйиндан сўнг Альваро Арбелоа шогирдлари 48 очко жамғариб, турнир жадвалида 2-ўринда бормоқда. "Реал" пешқадам Каталониянинг "Барселона"сидан 1 очко ортда қолмоқда.
